کشتواڑ کے کئی علاقوں میں پولیس کی ریلی، اعلیٰ افسران بھی شامل

پولیس ریلی کے تعلق سے ایس ایس پی کشتواڑ نے بتایا کہ 'روڈ مارچ جوانوں کو جسمانی طور پر تندرست رکھنے کے لیے کیا جاتا ہے' جبکہ ذرائع کے مطابق 5 اگست کو ہی جموں و کشمیر سے دفعہ 370 کی بھی منسوخی کا عمل سامنے آیا تھا جس کے سبب پورے دن کشتواڑ میں سیکیورٹی اہلکار مستعد اور چاق و چوبند نظر آئے۔

ایس ایس پی کشتواڑ کی زیر صدارت کشتواڑ پولیس نے آج چوگان میدان کشتواڑ سے ہڈیال چوک تا بس اسٹینڈ سے ہوتے ہوئے زلنہ تک ریلی کی شکل میں روڈ مارچ کیا۔

اس دودان کشتواڑ پولیس کے ہمراہ سی آر پی ایف ، سی آئی ایس ایف، بی ایس ایف کے جوان تا افسران موجود رہے۔

ایس ایس پی کشتواڑ نے اس دوران میڈیا سے بتایا کہ روڈ مارچ جوانوں کو جسمانی طور پر تندرست رکھنے کے لیے کیا جاتا ہے۔

ذرائع سے موصولہ اطلاعات کے مطابق 5 اگست 2019 کو جموں کشمیر کو خصوصی حیثیت دینے والی دفعہ 370 کو منسوخ گیا تھا جس کے سبب اس دن کشتواڑ قصبہ میں سیکیورٹی اہلکار مستعد اور چاق و چوبند دکھے۔

ایس ایس پی کشتواڑ شفقت حسین بھٹ کے ہمراہ سی آر پی ایف کے افسران بھی موجود رہے اور اس دوران ڈپٹی ایس پی ہیڈکوارٹر دیوندر سنگھ بھنڈرال، ڈپٹی ایس پی ڈی اے آر دھیرج سنگھ کٹوچ، ایس ڈی پی او اٹھولی پردیپ سین تا ایس ایچ او کشتواڑ عابد بخاری تا دیگر افسران موجود رہے۔