جے پور: مہنگائی کے خلاف احتجاج

ریاست راجستھان میں بڑھتی مہنگائی کو لے کر جے پور میں احتجاجی مظاہرہ کیا گیا، یہ احتجاجی مظاہرہ راجستھان ناگرک منچ کی جانب سے جے پور ضلع کلکٹریٹ پرکیا گیا تھا۔

خاص طور پر یہ احتجاجی مظاہرہ گیس سلنڈر اور بجلی کی قیمتوں میں اضافے کو لے کر کیا گیا، اس احتجاجی مظاہرے کی خاص بات یہ رہی کی یہاں پر شامل تمام لوگ اپنے ساتھ میں چولہا لالٹین لے کر پہنچے اور یہیں پر کھانا بھی بنایا گیا۔

اس احتجاج میں مرکزی حکومت اور راجستھان حکومت کو یہ بتایا گیا کی موجودہ وقت میں مہنگائی آسمان چھو رہی ہے اس لیے اس کو کنٹرول کیا جائے، اس درمیان کثیر تعدادمیں تنظیم سے جڑے ممبران اور دیگر حضرات موجود رہیں، وہیں بھارتی صدر کے نام جے پور ضلع کلکٹر کو ایک میمورینڈم بھی دیا گیا۔

راجستھان ناگرک منچ کے جنرل سیکرٹری بسنت ہریانہ نے بتایا کہ آج ریاستی اور مرکزی حکومت بڑھتی مہنگائی کی جانب توجہ نہیں دی رہی ہے اس لیے ہم لوگ سڑکوں پر ہیں اور یہ احتجاج کر رہے ہیں، ہریانہ کے مطابق اس احتجاجی مظاہرے میں الگ الگ تنظیموں نے ایک ساتھ مل کر یہ پورا احتجاج کیا، انہوں نے بتایا کی پروگرام کے آخر میں ایک میموریل ریاست کے وزیر اعلی اشوک گہلوت اور وزیر اعظم نریندر مودی کے نام جےپور کلیکٹر کو دیا گیا۔