ریاست راجستھان کے دارالحکومت جے پور میں ای ٹی وی بھارت اردو کی خبر کا اثر ہوا ہے، گزشتہ روز منگل کو ای ٹی وی بھارت کی جانب سے جے پور کے دہلی روڈ پر واقع حضرت دربار علی شاہ بابا اور رنگیلا مہادیو مندر جانے والے راستے کی بدحالی کو لے کر خبر سامنے آئی تھی، جس پر نوٹس لیتے ہوئے مقامی رکن اسمبلی رفیق خان نے سڑک کی تعمیر کا افتتاح کیا۔
- مزید پڑھیں: جے پور: مدرسہ پیرا ٹیچر کا 15 اکتوبر سے احتجاج کرنے کا اعلان
- مدھیہ پردیش کے سیندھوا میں حالات کشیدہ، دفعہ 144 نافذ
واضح رہے کہ یہاں سڑک کی تعمیر ہونے سے دو طبقے کے عقیدت مندوں کو پریشانی سے نجات مل جائے گی۔ وہیں رکن اسمبلی رفیق خان کا کہنا ہے کہ جس جگہ پر ہم نے سڑک کا افتتاح کیا ہے، اس جگہ پر مندر اور درگاہ بھی ہے، یہ ایک ایسی جگہ ہے جہاں پر گنگا جمنا تہذیب کا مرکز ہم لوگوں کو نظر آتا ہے۔ یہاں پر عالمی وبا کورونا کے قہر کی وجہ سے ہم لوگ سڑک کا تعمیری کام نہیں کرپارہے تھے لیکن اب کورونا کا قہر کم ہوا ہے۔ اس لئے ہم سبھی لوگ یہاں پر اس سڑک کا افتتاح کرنے کے لیے پہنچے ہیں۔
