شہر حیدرآباد کے بنجاراہلز علاقہ کے اندرانگرمیں دو نامعلوم افرادنے ایک شخص کو چاقو مارکر زخمی کردیا، جس سے علاقے میں سنسنی پھیل گئی۔ یہ واردات جمعرات کی صبح کی اولین ساعتوں میں پیش آئی۔
پولیس نے شبہ ظاہر کیا ہے کہ پرانی مخاصمت اس واردات کی اہم وجہ ہے۔زخمی شخص کی شناخت محمد غوث کے طورپر کی گئی ہے اس پرچاقووں سے حملہ کیا گیا جس کے نتیجہ میں وہ شدید زخمی ہوگیا۔اس کو علاج کے لیے عثمانیہ ہسپتال داخل کردیاگیاجہاں اس کا علاج کیا جارہا ہے۔اس کی حالت مستحکم بتائی جارہی ہے۔
پولیس نے اس سلسلہ میں ایک معاملہ درج کرکے جانچ شروع کردی۔
