حیدرآباد: حیدرآباد کی تاریخی چارمینار کے دامن میں تلنگانہ بی جے پی نے ریاستی سطح پر پرجا سنگراما یاترا کا آغاز کیا۔ یہ یاترا بی جے پی کے ریاستی صدر بنڈی سنجے کی قیادت میں نکالی گئی ہے۔ اس میں مرکزی وزیر جی کشن ریڈی، رکن پارلیمنٹ نظام آباد بی اروند اور دیگر سیاسی رہنماؤں سمیت بڑی تعداد میں عوام نے شرکت کی۔ یہ یاترا تمام ریاست کے اضلاع میں نکالی جائے گی۔
اس موقع پر صدر بنڈی سنجے نے خطاب کرتے ہوئے کہا کہ وزیر اعلیٰ تلنگانہ کے چندر شیکھر راؤ کی حکمرانی سے آزاد کیے جانے کے لیے یہ یاترا نکالیں جارہی ہے۔
انہوں نے الزام لگایا کہ" دلت بندھوا اسکیم کے نام پر دلتوں کو دھوکہ دیا جارہا ہے۔ تلنگانہ کی تشکیل میں جو لوگ شہید ہوئے ہیں انہیں بھلا دیا گیا ہے۔ کے سی آر کا خاندان ریاست تلنگانہ پر حکومت کر رہا ہے۔
مزید پڑھیں: پرانا ہو یا نیا شہر، حیدرآباد کو ترقی دی جارہی ہے:وزیر تارک راما راو
بی جے پی کی یہ یاترا دو اکتوبر کو ختم ہوگی۔
