ریاست آسام کے وزیر صحت ڈاکٹر ہیمنت بسوا شرما نے ٹویٹ کر کے بتایا کہ آسام حکومت نے تبدیل ہوتے حالات کے مدنظر اسپتال سے چھٹی کے بعد گھریلو قرنطینہ میں بھیجے گئے لوگوں کی کورنٹائن مدت کو کم کرکے سات دنوں تک کرنے کا فیصلہ کیا ہے۔ اس کے علاوہ بی پی ایل (خط افلاس سے نیچے زندگی گزارنے والا کنبہ) کارڈ ہولڈروں، بزرگ، بیمار اور معذور لوگوں کے کنبوں کو چھوڑ کر کورنٹائن کیے گئے لوگوں کے گھر والوں کو ملنے والی دو ہزار روپے کی ضروری اشیا کی سہولت واپس لے لی ہے۔
خیال رہے کہ اس سے پہلے کورنٹائن کیے گئے کورونا مریضوں کے لیے 14 دنوں تک گھریلو کورنٹائن میں رہنا لازمی تھا۔
آسام حکومت نے 1.12 لاکھ سے زیادہ کنبوں کو دو ہزار روپے کی لازمی اشیا کی سہولت دی ہے۔ ریاستی حکومت نے وبا کی وجہ سے باہر پھنسے لوگوں کو بھی مالی مدد فراہم کی ہے۔
آسام حکومت کورونا کا ٹیسٹ اور علاج مفت دستیاب کرارہی ہے۔
مزید پڑھیں: ملک میں ایک ہزار 301 کورونا ٹیسٹ لیباریٹریز
آسام میں اب تک کورونا کے 29,921 معاملے آئے ہیں جبکہ 21,761صحت یاب ہوچکے ہیں جبکہ 76مریضوں کی اس بیماری سے موت ہوچکی ہے۔
عالمی وبا کورونا وائرس کے سبب ہندوستان بھر میں 31ہزار سے زائد افراد فوت ہو چکے ہیں۔ جبکہ اس مہلک مرض کی زد میں آکر 13لاکھ سے زائد افراد متاثر ہو چکے ہیں۔
