الفلاح ماڈل اسکول کے ڈائریکٹر قاری سراج الدین ریاضی نے بتایا کہ تقریب میں نیٹ اور دسویں جماعت میں نمایاں کامیابی کرنے والے میوات کے طلبا کو اعزاز سے نوازا جائے گا جبکہ علمی سماجی و مذہبی حلقوں میں نمایاں خدمات انجام دینے والی شخصیات کو بھی اعزازات سے نوازا جائے گا۔
انہوں نے مزید بتایا کہ 'اس سال مرحوم مولانا فضل الرحمن ناٹولی کو ان کی مذہبی خدمات کے لیے جبکہ ڈاکٹر سعید حیات یو اے ای کو اردو اور عربی ادب میں نمایاں خدمت کے لیے میوات رتن دیا جائے گا۔
تقریب میں ڈاکٹر اے آر ناکیدار (یو ایس اے)، اسلم عبداللہ کناڈا، سراج ٹھاکر کناڈا، شاہین گروپ کے دہلی و این سی آر کے چیئرمین کلیم الحفیظ، سابق وزیر ٹرانسپورٹ و ہریانہ اسمبلی میں ڈپٹی اپوزیشن لیڈر چوہدری آفتاب احمد، ابوالکلام آزاد اسلامک اویکننگ سینٹر کے صدر مولانا محمد رحمانی، معروف عالم دین شیخ صلاح الدین مقبول، فیروز پور جھرکا سے رکن اسمبلی مامن خان انجینئر، پونہانہ سے رکن اسمبلی محمد الیاس، سابق رکن اسمبلی حبیب الرحمن، مولانا فاروق شاکر دہلی، میوات انجینئرنگ کالج وقف کے ڈائریکٹر خواجہ ایم رفیع کے علاوہ میوات وکاس سبھا کے ممبران مہمان خصوصی کی حیثیت سے شرکت کریں گے۔
