آندھرا پردیش: آگ میں جھلس کر دو بچے ہلاک

ریاست آندھرا پردیش کے ضلع گنٹور میں آگ لگنے کے سبب دو کم عمر بچے زندہ جھلس کر ہلاک ہوگئے۔

یہ واقعہ ضلع کے چکراپالم گاوں میں پیش آیا۔تفصیلات کے مطابق ایم سامباسیواراو اپنے مکان کے سامنے کیڑے مار اسپرے میں پٹرول بھر رہے تھے قریب میں آگ ہونے کی وجہ سے پٹرول کے سبب دوسرے گھر میں بھی آگ لگ گئی۔

آگ کی زد میں آنے سے دو بچے ہلاک ہوگئے اہل خانہ نے ان کو بچانے کی کوشش بھی کی۔

اطلاع کے مطابق ان میں ایک دیڑھ سالہ لڑکی زندہ جل گئی۔ ان بچوں کے اہل خانہ نے کافی کوششوں کے بعد تین سالہ لڑکے کو بچاتے ہوئے اسپتال منتقل کیا تاہم راستہ میں ہی اس کی موت ہوگئی۔

اس واقعہ میں مکان جل کر خاکستر ہوگیا۔اطلاع ملتے ہی پولیس وہاں پہنچی جس نے اس سلسلہ میں ایک معاملہ درج کرکے جانچ شروع کردی۔