زخمیوں کی حالت تشویشناک ہوتے دیکھ کر جئے پرکاش نارائن اسپتال کے ڈاکٹروں نے پٹنہ میڈیکل کالج واسپتال ریفر کردیا ہے، واقعہ کی اطلاع ملتے ہی ایس ایس پی راجیومشرا اے ایس پی سنجے بھارتی، ٹکاری ڈی ایس پی ناگیندرسنگھ پولیس فورس کے ساتھ گاوں پہنچے اور معاملے کی تحقیقات کی ہے۔
اطلاعات کے مطابق ملزم راکیش یادو کابیٹا پنکھاخریدنے کونچ بازار گیا تھا، اسی دوران دوسرے گروپ کے نوجوانوں کے ساتھ کسی بات کولیکر جھگڑا ہوگیا تاہم بازار میں موجود لوگوں نے دونوں گروپ کوسمجھاکر معاملے رفع دفع کرادیا، لیکن گاوں پہنچتے ہی حکمراں جماعت جے ڈی یو کے رہنماء راکیش یادو اور ان کے رشتہ داروں سے دوسرے گروپ میں تنازعہ دوبارہ سے شروع ہوگیا اور دیکھتے دیکھتے پتھربازی ہونے لگی۔
اسی دوران یوتھ جے ڈی یو کے ضلع جنرل سکریٹری راکیش یادو نے فائرنگ شروع کردی جس میں گاوں کے چارافراد زخمی ہوگئے.
ایس ایس پی راجیومشرانے بتایا اس واقعہ کااہم ملزم راکیش یادو اور سنجیو کمار کو گرفتار کرلیا گیا ہے، انہوں نے بتایا کہ اس معاملے میں گولی لگنے سے زخمی ہوئے گروپ کے لوگوں نے نوافراد کونامزد کیا ہے جن کی گرفتاری کے لئے چھاپے ماری کی جارہی ہے، جلد ہی سبھی پولیس کی گرفت میں ہوں گے۔
