دہلی پولیس ہیڈ کواٹر میں جاری میٹنگ میں پولیس کے اعلی افسران نے اس بات کی یقین دہانی کرائی کہ وہ زیر حراست طلبا کی رہائی اور قصوار پولیس افسران کے خلاف سخت کارروائی کریں گے۔
خیال رہے کہ گذشتہ روز جامعہ ملیہ اسلامیہ کے طلبا شہریت ترمیمی بل کے خلاف احتجاج کررہے تھی جو تشدد میں بدل گیا۔ پولیس افسران پر الزام عائد کیا جارہا ہے کہ دہلی پولیس نے طلبا کے احتجاج کو روکنے کے لیے طاقت کا استعمال کیا اور کمپس میں داخل ہوکر طلبا کی پٹائی کی اور درجنوں طلبا کو حراست میں لے لیا۔
پولیس کارروائی کے خلاف دہلی پولیس ہیڈ کواٹر پر دیگر یونیوسٹی کے طلبا و عام شہریوں کی جانب سے احتجاج جاری ہے، اس درمیان پولیس اور طلبا کے درمیان ایک میٹنگ بھی منعقد کی گئی جہاں پولیس کے اعلی افسران نے حراست میں لیے گئے طلبا کی رہائی کی یقین دہانی کرائی۔
ذرائع کے مطابق طلبا کی جانب سے تمام ایسے ثبوت پولیس کے حوالے کیے جس میں خود پولیس کے افسران بسز کو آگ کے لگاتے ہوئے نظر آرہے ہیں۔
پولیس کے اعلی افسران نے اس بات کی یقین دہانی کرائی کہ جوبھی پولیس کے افسران قصوار پائے گئے ان کے خلاف سخت کارروائی کی جائے گی۔
