گڈکری نے دہلی۔ممبئی ایکسپریس وے کی پیش رفت کے اپنے دو روزہ پروگرام کے آخری دن جمعہ کو یہاں نامہ نگاروں سے کہاکہ سیمنٹ اور سریا کا متبادل تلاش کرنا ضروری ہوگیا ہے کیونکہ ان کمپنیوں کی من مانی مسلسل بڑھ رہی ہے اور قیمت آسمان چھو رہی ہے۔
انہوں نے کہاکہ گجرات میں بڑے پیمانہ پر نمک کی پیداوار ہوتی ہے۔ نمک کے ساتھ بالو کوملاکر کنکریٹ کی سڑک تیار کرکے سیمنٹ سریا کا سڑ ک کی تعمیر میں بہتر متبادل ہوسکتا ہے۔
گڈکری نے کہاکہ تعمیراتی شعبہ میں نہایت جدید تکنیک کا استعمال کرنے کے ساتھ ہی متبادل کے بارے میں سوچنے کی بھی ضرورت ہے۔ ان کا کہنا تھا کہ نئی تکنالوجی کے استعمال سے کام کی رفتار میں اضافہ ہوگا اور تعمیراتی لاگت کو بھی کم کیا جاسکتا ہے۔
یہ بھی پڑھیں:
مغربی بنگال اسمبلی انتخابات: 'عوام تبدیلی چاہتی ہے، ہم بدلیں گے تصویر'
انہوں نے کہاکہ ان کا مقصد بین الاقوامی سطح کی سڑکیں تعمیر کرنا ہے۔ انہوں نے کہاکہ وہ اعلان نہیں کررہے ہیں لیکن ان کا خواب ہے کہ 2024تک ہندستان میں امریکہ کی سطح کی سڑکیں تعمیر ہوں۔
یو این آئی
