دہلی کی عام آدمی پارٹی و بہار کی حزب مخالف راشٹریہ جنتادل (آر جے ڈی) نے چین کے معاملے پر بلائی گئی کل جماعتی میٹنگ میں مدعو نہیں کئے جانے پر سخت ناراضگی ظاہر کی ہے۔
دہلی عآپ پارٹی کے راجیہ سبھا رکن سنجے سنگھ نے بھی پارٹی کے اعلی رہنماؤں و وزیراعلی اروند کیجریوال کو کل جماعتی میٹنگ میں مدعو نہیں کئے جانے پر مرکزی حکومت کو جھوٹا گردانتے ہوئے ان پر سخت نکتہ چینی کی ہے۔
وہیں راشٹریہ جنتادل کے راجیہ سبھا رکن منوج جھا نے کہا کہ' قومی اہمیت کی حامل اس میٹنگ میں کئی چھوٹی جماعتوں کو مدعو کیا گیا ہے لیکن آر جے ڈی کو مدعو نہیں کیا گیا۔ راجیہ سبھا میں ان کی پارٹی کے پانچ اراکین ہیں، ساتھ ہی بہار اسمبلی میں آر جے ڈی سب سے بڑی پارٹی ہے'۔
مزید پڑھیں:وزیراعظم کی سربراہی میں کل جماعتی میٹنگ آج
واضح رہے کہ وزیراعظم نریندر مودی کی جانب سے سے بھارت چین کے مابین تنازعات معاملے پر جمعہ کی شام کل جماعتی میٹنگ بلائی ہے، جس میں کچھ سیاسی پارٹیوں کو مدعو نہیں کیا گیا ہے جس کے سبب پارٹی کے اعلی رہنماؤں نے مرکزی حکومت پر سخت نکتہ چینی کی ہے۔
