مکان کی چھت گرنے سے ماں اور دو بچوں کی موت

ریاست مدھیہ پردیش میں ایک مکان کی چھت گرنے سے دو بچوں اور انکی والدہ کا انتقال ہو گیا۔

مدھیہ پردیش کے رتلام میں آج ایک مکان کی چھت گرنے سے کمرے میں سو رہے ایک ہی خاندان کے دو بچوں اور ان کی ماں کی موت ہوگئی جبکہ شوہر سنگین طور سے زخمی ہو گیا۔

پولیس نے بتایا کہ وہ اصل میں جھبوا ضلع کے رہنے والے ہیں اور پیشے سے ڈرائیور موہن (38) اپنی اہلیہ (35) اور بیٹے راجویر(دس) اور بیٹی یاشیکا (چھ) کے ساتھ اس مکان میں کرائے پر رہتا تھا۔

مکان کافی پرانا تھا اور اس کی چھت بہت زیادہ کمزور تھی۔ صبح تقریبا پانچ بجے چھت اچانک گر گئی اور خاندان کے لوگ ملبے میں دب گئے۔

لوگوں کی مدد سے پولیس نے چاروں افراد کو باہر نکالا لیکن شرمیلا، راجویر اور یاشیکا کی موت ہوگئی تھی، جبکہ موہن سنگین طور سے زخمی تھا۔ موہن کو ضلع اسپتال میں بھرتی کرایا گیا ہے۔