ریاست مدھیہ پردیش کے سابق وزیر اعلی دگ وجے سنگھ نے روزگار کے تعلق سے کہاکہ' میں آج سے 'ہیش ٹیگ روزگار دو'مہم میں اکھیل بھارتی یوا کانگریس کے ساتھ شامل ہو گیا ہوں۔
دگ وجے سنگھ نے کہا کہ' وزیراعظم نریندر مودی نے یہ وعدہ کیا تھا کہ ہر برس 2 کروڑ لوگوں کو روزگار دیا جائے گا۔ روزگار تو نہیں ملا پر بڑی تعداد میں لوگ بے روزگار ضرور ہو گئے ہیں۔
انہوں نے کہاکہ' پہلے مرکزی حکومت کے ذریعے نوٹ بندی لائی گئی۔پھر جی ایس ٹی نے لوگوں کو برباد کر دیا ۔اور جس طرح سے مرکزی حکومت نے کورونا سے لڑنے کا راستہ اپنایا اس سے لوگ اور بے روزگار ہو گئے۔
انہوں نے کہاکہ' آج کے وقت میں لوگوں کا کاروبار ختم ہو چکا ہے تاجر اور کاروباری پریشان حال ہے۔ زیادہ تر ضعتوں کے بند ہونے سے لوگ اپنی نوکری گواں چکے ہیں۔
مزید پڑھیں:
سعودی ارامکو کا ریلائنس میں 15 ارب کی سرمایہ کاری پر گفتگو جاری
دگ وجے سنگھ نے کہا کہ ایسے حالات میں سب سے درخواست کرتاہوں کی اکھیل بھارتیہ یوا کانگریس کا سپورٹ کریں ان کا ساتھ دیں تاکہ لوگوں کے لیے نوکری کے راستے نکل سکیں۔
