ریاست کرناٹک کے دارالحکومت بنگلور میں واقع سیدہ زینب ایجوکیشنل فاؤنڈیشن، مشہور شادیوں کے پروگرام 'روبرو' سے جانی جاتی ہے۔
ہر برس کی طرح اس برس بھی رمضان المبارک کے موقع پر ادارے کی جانب سے رام نگر گاؤں میں ہزاروں غریب خاندانوں کے لئے کٹس تقسیم کیے گئے۔ اس موقع پر سیدہ ایجوکیشنل فاؤنڈیشن کے چیئرمین عتیق احمد نے بتایا کہ 'کورونا وبا سے اور بڑھتی مہنگائی کی مار سے دو چار سلم علاقوں میں بسیرا کر رہے غریب لوگوں کو ادارے کی جانب سے راشن اور کپڑے تقسیمِ کئے جارہے ہیں'۔
ادارے کے سیکرٹری نے بتایا کہ' بنگلور و اطراف کے علاقوں کے سلم میں بسنے والے بیڑی ورکرز و دیگر مزدوروں و غریب خاندانوں کی امداد کر رہے ہیں'۔
اس موقع پر سیدہ ایجوکیشنل فاؤنڈیشن کے ذمہ داران نے اہل ثروت حضرات سے اپیل بھی کی کہ وہ رمضان المبارک کے بابرکت مہینہ میں غریب، ضرورت مند و مستحق عوام میں ضروریات زندگی تقسیم کرنے کے لئے آگے آئیں، تاکہ ان ضرورت مند لوگوں کی مدد ہو سکے۔
