ریاستی حکومت نے اس سے قبل 23 اگست کو ہائی اسکول اور پری یونیورسٹی کالج دوبارہ کھولے گئے تھے۔ اتوار کو ریاست میں کورونا وائرس کے 1262 نئے معاملے رپورٹ ہوئے ہیں اور اس وبا کی وجہ سے 17 لوگوں کی جان جاچکی ہے۔
کرناٹک میں کورونا کی شرح اموات 1.34 فیصد اور انفیکشن کی شرح 0.70 فیصد ہے۔ پچھلے سال مارچ میں کورونا کے آغاز کے بعد سے اب تک ریاست میں 29،47،255 اس بیماری سے متاثر ہوچکے ہیں۔
یہ بھی پڑھیں:
ہردیپ پوری نے بنگلورو میٹرو کا افتتاح کیا
اس سے قبل مسٹر بومائی نے کہا تھا کہ حکومت صرف ان اضلاع میں پرائمری اسکول کھولنے کا ارادہ رکھتی ہے جہاں کورونا انفیکشن کی شرح دو فیصد سے کم ہے۔
توقع ہے کہ حکومت والدین ، اساتذہ اور غیر تدریسی عملے کے لیے اسکول کے احاطے میں داخل ہونے کے لیے ویکسینیشن کو لازمی بنائے گی اور اسکولوں سے کہا گیا ہے کہ وہ باقاعدگی سے کلاس روم کو صاف کریں ، سماجی فاصلہ برقرار رکھیں، اپنے ہاتھوں کو باقاعدگی سے دھوئیں اور ماسک پہنیں۔
یو این آئی
