پیازکی قیمتوں پرتلگودیشم کا احتجاج

باورچی خانہ کی اہم شئے پیاز کی قیمتوں میں اضافے سے عوام کوہورہی دشواری کو اجاگر کرنے کے لیےآندھراپردیش کی اصل اپوزیشن تلگودیشم کی جانب سے انوکھا احتجاج کیاگیا۔

اے پی کے سکریٹریٹ کے قریب سابق وزیراعلی و تلگودیشم کے قومی صدر این چندرابابو نائیڈو کی قیادت میں یہ احتجاج کیاگیا۔ چندرابابو نے اپنے ہاتھ میں بڑی پیاز کی شکل کا ماڈل رکھا تھا جبکہ ان کی پارٹی کے رہنماوں نے اپنے گلوں میں پیاز کے ہار ڈالتے ہوئے انوکھا احتجاج کرتے ہوئے پیاز کی بڑھتی قیمت پر حکومت کی توجہ مرکوز کرنے کی کوشش کی۔
اس موقع پرچندرابابو نائیڈو نے پیاز کی قیمت پر قابو پانے میں ناکامی کا حکومت پر الزام لگایا۔انہوں نے کہاکہ روز بروز پیاز کی قیمتوں میں بے تحاشہ اضافہ ہوتاجارہا ہے۔انہوں نے دعوی کیا کہ تلگودیشم کے دور حکومت میں پیاز کی قیمتوں پر قابو پانے کے اقدامات کیے گئے تھے اور سبسیڈی پر پیاز کی فروخت کو یقینی بنایا گیا تھا۔انہوں نے واضح کیاکہ پیاز کی قیمت میں کمی تک ان کی پارٹی احتجاج کرے گی۔