ہزار کلو وزنی اور 50 فٹ بلند یہ مجسمہ اگرچہ اسٹیچو آف یونٹی کے مقابلے میں خاصا چھوٹا ہے لیکن یہ سردار پٹیل کا دنیا بھر میں دوسرا بلند ترین مجسمہ ہے۔ دلچسپ بات یہ بھی ہے کہ اس کی ڈیزائننگ بھی اسٹیچو آف یونٹی کا ڈیزائن تیار کرنے والے معروف مجسمہ ساز پدم بھوشن رام سُتار نے ہی کی ہے۔ نائب وزیر اعلی نتن پٹیل، مرکزی وزیر منسكھ مانڈويا کی موجودگی میں مجسمہ کی رونمائی کے بعد مسٹر روپاني نے کہا کہ سردار پٹیل کی ایک اور بہت بڑے مجسمہ کی گجرات میں نقاب کشائی کرنا باعث فخر ہے۔
سرداردھام کے صدر گگجي سُتريا اور اس کے ترجمان سبھاش ڈوبريا نے آج یو این آئی کو یہ اطلاع دیتے ہوئے بتایا کہ کانسے کا یہ مجسمہ ادارے کے احاطے میں تقریباً سوا تین کروڑ روپے کی لاگت سے تیار ہوا ہے۔
واضح رہے کہ مشرقی گجرات کے نرمدا ضلع کے كیوڑيا واقع اسٹیچو آف یونٹی کی نقاب کشائی اکتوبر 2018 میں وزیر اعظم نریندر مودی نے کی تھی۔ اس پر تین ہزار کروڑ روپے سے زیادہ کی لاگت آئی تھی۔ وہ چین کے اسپرنگ ٹیمپل بدھا کو پیچھے چھوڑتے ہوئے دنیا کا بلند ترین مجسمہ بن گیا ہے۔
