منگل کو بی ایس ای کا سنسیکس 748.31 پوائنٹس یعنی 2.03 فیصد اضافے سے 37687.91 پوائنٹس پر جبکہ نیشنل اسٹاک ایکسچینج کا نفٹی 211.25 پوائنٹس یعنی 1.94 فیصد اضافے کے ساتھ 11102.85 پوائنٹس پر پہنچ گیا۔
آن لائن فارما کمپنی نیٹ میڈیس کا ریلائنس انڈسٹریز کے ذریعہ حصول کی خبر کے بعد ریلائنس کے حصص میں سات فیصد سے زیادہ تیزی آئی۔ ایچ ڈی ایف سی بینک کے شیئر تقریبا چار فیصد اور ماروتی سوزوکی شیئروں میں تین فیصد سے زیادہ کا اضافہ ہوا۔ آئی ٹی اور ٹیک کمپنیوں میں فروخت کے دوران ٹیک مہندرا کے اسٹاک میں پونے تین فیصد کی کمی رہی۔
سرمایہ کاروں نے درمیانی اور چھوٹی کمپنیوں میں بھی خریداری کی۔ بی ایس ای مڈ کیپ 1.02 فیصد اضافے سے 13856.44 پوائنٹس اور اسمال کیپ 1.23 فیصد اضافے کے ساتھ 13316.96 پوائنٹس پر پہنچ گیا۔
ایشیائی بازاروں میں تیزی
ہانگ کانگ کا ہینگ سینگ دو فیصد، جاپان کی نکی میں 1.70 فیصد، جنوبی کوریا کا کوسپی 1.29 فیصد اور چین کا شنگھائی کمپوزٹ 0.11 فیصد کی برتری پر بند ہوا۔
یورپی بازاروں میں ملا جلا رخ رہا
ابتدائی تجارت میں جرمنی کا ڈیکس 0.40 فیصد گر گیا جبکہ برطانیہ کا ایف ٹی ایس ای 0.04 فیصد مضبوط ہوا۔
