بھارت کا جی ڈی پی 1.9 تک گھٹ جائے گا

انٹرنیشنل مانیٹری فنڈ نے 2020 میں بھارت کی مجموعی گھریلو پیداوار کی شرح ترقی کو 1.9 فیصد بتایا ہے جبکہ جنوری میں یہ شرح 5.8 فیصد تھی۔

ساری دنیا میں جاری کورونا وائرس کے قہر کی وجہ سے عالمی معیشت کو 1930 دہے کے بعد سے سب سے بدتر کساد بازاری کا سامنا ہے۔

آئی ایم ایف کے مطابق بھارت 1991 کے بعد سب زیادہ بدترین دور سے گذر رہا ہے حالانکہ آئی ایم ایف کی عالمی معیشت کے بارے میں جاری رپورٹ میں بتایا گیا ہے کہ بھارت اور چین دو واحد ممالک ہیں جو مثبت شرح ترقی ریکارڈ کریں گے۔

چین کے تعلق سے آئی ایم ایف نے 2020 میں 1.2 فیصد شرح ترقی کی پیش قیاسی کی ہے جو چار دہوں میں سب سے کم ہے۔