رام بن: رمضان میں کربلا جیسی صورتحال

ضلع رام بن کے چیف کھانی میں دس دنوں سے پانی نہ ہونے کی وجہ سے لوگوں کو مشکلات کا سامنا کرنا پڑ رہا ہے۔

چیف کھانی گاؤں 200 مکانوں پر مشتمل ہے مگر افسوس کی بات ہے کہ اس رمضان المبارک کے مہینے میں پانی نہ ہونے کی وجہ سے انہیں کافی مشکلات کا سامنا کرنا پڑ رہا ہے۔

لوگوں کا کہنا ہے کہ سڑک کو ٹھیک کرنے کا کام چل رہا ہے جس کی وجہ سے پانی کو بند کر دیا گیا ہے۔

انہوں نے مزید کہا کہ ہم ضلع انتظامیہ کے پاس اپنے مطالبات لے کے گئے تاہم ابھی تک تسلی بخش جواب نہیں ملا ہے۔

انہوں نے گورنر سے اپیل کی ہے کہ جلد سے جلد پانی بحال کیا جائے تاکہ عوام کو پریشانی سے نجات مل سکے۔