تجارتی جنگ کے سرد پڑنے کے آثار

چین اور امریکہ کے درمیان جاری تجارتی جنگ کو ختم کرنے کے لیے مذاکرات کو چین نے کامیاب قرار دے دیا۔

گذشتہ دنوں واشنگٹن میں چینی اور امریکی وفود کے درمیان مذاکرات ہوئے۔ ان مذاکرات میں تجارتی جنگ کے خاتمے پر زور دیا گیا۔

چین کے نائب وزیر اعظم لیو ہی چین کے مذاکراتی وفد کی قیادت کررہے ہیں، جبکہ انہوں نے مذاکرات کو کامیاب قرار دیا ہے۔

اپنے ایک بیان میں چینی نائب وزیراعظم کا کہنا تھا کہ 'سہ روزہ مذاکرات انتہائی مفید اور مثبت پیش رفت کے حامل رہے ہیں، امید ہے ثمرات نظر آئیں گے'۔

چند روز قبل امریکی صدر ڈونلڈ ٹرمپ نے امکان ظاہر کیا تھا کہ مذاکرات میں پیش رفت ہورہی ہے اور جلد معاہدہ طے پاجائے گا۔