اس فیصلہ کے مطابق 55 سال سے زیادہ عمر اور سنگین عارضہ میں مبتلا پولیس اہلکاروں کو زیادہ خطرے والے مقامات پر ڈیوٹی میں تعینات نہیں کیا جائے گا۔ پولیس اہلکاروں میں انفیکشن تیزی سے پھیل رہا ہے،ابھی بھی 182 پولیس اہلکار کورونا پوزیٹیو ہوئے ہیں۔ایک سب انسپکٹر کی موت بھی ہوگئی ہے۔
ایسے میں سنگین بیماری ،ہائی بلڈ پریشر ، دل اور پھیپھڑے کی بیماری سے متاثر،حاملہ خاتون اور 55 سال سے زیادہ عمر کے پولیس اہلکاروں کو ہجومی مقامات اور دیگر خطرات والے مقامات پر ڈیوٹی پر معمور نہیں کیا جائے گا کیونکہ انفیکشن کے خطرات یہاں زیادہ ہوتے ہیں.
اس فیصلے کی کاپی تمام ڈی سی پی کو ارسال کر دی گئی ہے ۔ پولیس کے تحفظ کے حوالے سے اس قدم کو اٹھایا گیا ہے ۔ لیکن ان تمام پولیس اہلکاروں کی نائٹ ڈیوٹی پہلے کی طرح جاری رہے گی اس میں کوئی رعایت نہیں برتی گئی۔
