مغربی بنگال میں سات پارلیمانی حلقوں کے لیے جاری پولنگ کے دوران مخلتف مقامات سے پرُتشدد واقعات کی اطلاع مسلسل موصول ہو رہی ہیں۔
بی جے پی کے کارکن حملے میں شدیدزخمی
مرکزی ہوڑہ کےوارڈ نمبر35 کے 251 نمبر پولنگ بوتھ پرتعینات بی جے پی کے پولنگ ایجنٹ پر نامعلوم شرپسندوں نے حملہ کردیا اوران کی بری طرح سے پٹائی کی گئی۔
پولیس نے جائے وقوع پر پہنچ کر حالات کا جائزہ لیااور زخمی بی جے پی کے پولنگ ایجنٹ کو ہوڑہ اسٹیٹ جنرل اسپتال میں داخل کرایا گیا۔
پولیس کا کہنا ہے کہ حملے میں پریمشورنامی بی جے پی کے پولنگ ایجنٹ شدید طور پرزخمی ہوگئے ہیں۔ ان کی حالت نازک بتا ئی گئی ہے۔
بی جے پی کے کارکنان کاکہنا ہے کہ ترنمول کانگریس نے ہمارے پولنگ ایجنٹ پر جان لیوا حملہ کیا ہے۔
حکمراں جماعت ترنمول کانگریس کے امیدوار نے بی جے پی کے الزام کو بے بنیاد قراردیاہے۔
