اننت ناگ میں بجلی کا جھٹکا لگنے سے ایک خاتون کی موت

جنوبی کشمیر کے ضلع اننت ناگ کے اکنگام اچھہ بل میں بدھ کے روز اُس وقت کہرام مچ گیا جب ایک خاتون گھریلو کام کے دوران بجلی کا جھٹکا لگنے سے شدید جھلس گئی۔

اگرچہ خاتون کو فوری طور پر ہسپتال پہنچایا گیا۔ تاہم ڈاکٹروں نے اسے مردہ قراردیا۔ ہلاک خاتون کی شناخت فریدہ اختر اہلیہ شبیر احمد کمار کے بطور ہوئی ہے۔

واضح رہے کہ مہلوک خاتون تین بیٹیوں کی ماں تھی۔ پولیس نے قانونی کارروائی مکمل کرنے کے بعد لاش کو آخری رسومات کے لئے ورثاء کے حوالے کر دیا۔