نوئیڈا کے ایس پی رہنماؤں کی سابق وزیر ارشد خان سے ملاقات

اتر پردیش کے نوئیڈا اسمبلی حلقہ سے سماجوادی پارٹی کے متوقع امیدوار محمد تسلیم اور سماج وادی پارٹی نوئیڈا کے لوہیا واہنی کے سابق صدر ساحل خان نے سماجوادی پارٹی کے سابق قومی جنرل سکریٹری اور اکھلیش حکومت میں سابق وزیر محمد ارشد خان سے دہلی میں یوپی بھون میں ملاقات کی۔

محمد ارشد اتر پردیش کے جونپور سے سابق رکن اسمبلی ہیں۔ اس موقع پر ایس پی رہنماؤں نے سابق وزیر کا گلدستہ کے ساتھ استقبال کیا۔

اس موقع پر سابق وزیر ارشد خان نے کہا کہ اتر پردیش میں آئندہ حکومت اکھلیش یادو کی قیادت والی سماج وادی پارٹی بنائے گی۔

ترقی کو ترجیح دیتے ہوئے پہلے کی طرح ایس پی حکومت دوبارہ اقتدار میں آئے گی اور ترقی کو رفتار دے گی۔

سوائے نام تبدیل کرنے کے بی جے پی نے کبھی بھی ریاست کے لوگوں کے لیے کوئی کام نہیں کیا۔

اس موقع پر سماج وادی پارٹی کے نوئیڈا سے متوقع امیدوار محمد تسلیم اور ایس پی لیڈر ساحل خان موجود تھے۔