رائے پور: چھتیس گڑھ میں کانگریس کا دو روزہ نو سنکلپ چنتن شیوور ورکشاپ بدھ کو دارالحکومت رائے پور کے مہیشوری بھون کمل وہار میں شروع ہوا۔ سنکلپ شیویر میں جنرل سکریٹری انچارج امرجیت چاولہ نے راہل گاندھی کو کانگریس کا قومی صدر بنانے کی تجویز پیش کی۔ جسے سب نے دونوں ہاتھ اٹھا کر سپورٹ کیا۔Rahul Gandhi Congress National President Proposal
حال ہی میں ادے پور چنتن شیویر میں کانگریس کو مضبوط کرنے کے لیے کیے گئے فیصلوں پر تبادلہ خیال کیا گیا تھا اور ایکشن پلان تیار کیا گیا تھا۔ ورکشاپ میں ریاستی وزراء، اراکین پارلیمنٹ، اراکین اسمبلی، کارپوریشن بورڈ کے چیئرمین، ضلع کانگریس کے صدر اور پی سی سی کے عہدیداران موجود تھے۔
کیمپ کے پہلے دن وزیر اعلی بھوپیش بگھیل، ریاستی انچارج پی ایل پونیا، ریاستی کانگریس صدر موہن مارکم اور سکریٹری انچارج ڈاکٹر چندن یادو کی موجودگی میں پرچم کشائی کی گئی۔ اس پروگرام میں سب سے پہلے کانگریس صدر سونیا گاندھی اور راہل گاندھی کے ادے پور چنتن شیویر میں دیئے گئے خطاب کا ویڈیو دکھایا گیا۔ ایک بار پھر موجود تمام قائدین کو ادے پور چنتن شیویر میں لئے گئے فیصلوں سے آگاہ کیا گیا۔ ریاستی کانگریس صدر موہن مارکم نے خطبہ استقبالیہ پیش کیا۔ اس کے بعد وزیر اعلی بھوپیش بگھیل نے صدارتی خطاب کیا۔ ریاستی انچارج پی ایل پونیا نے بھی اسٹیج پر اپنی بات رکھی۔
ورکشاپ کے دوسرے روز جمعرات کو مختلف کمیٹیاں بنا کر 6موضوعات پر بحث کی جائے گی۔ اس کے نتائج پیش کیے جائیں گے۔ دوسرے دن کے اجلاس میں ادے پور چنتن شیویر کے اعلانات، تنظیم کی توسیع اور دائرہ کار، ضلعی سطح کی پد یاترا، رائے پور میں منعقدہ آزادی کی 75 ویں سالگرہ کے پروگرام، پر تقرری جیسے موضوعات پر ورکشاپ میں تبادلہ خیال کیا گیا۔ تنظیم کی خالی آسامیوں اور مرکزی حکومت کے خلاف تحریک سے جڑے لیڈران پر تبادلہ خیال کریں گے۔
یہ بھی پڑھیں: Congress Task Force: کانگریس کا 2024 ٹاسک فورس کا قیام، راہل گاندھی سمیت ان رہنماؤں کو ملی ذمہ داری
