پیٹرول اور ڈیزل بالترتیب 18 پیسے اور 17 پیسے فی لیٹر سستا

بین الاقوامی بازار میں خام تیل کی قیمتوں میں آئی کمی کی وجہ سے تقریباً ڈیڑھ ماہ بعد آج گھریلو سطح پر پیٹرول اور ڈیزل کی قیمتوں میں کمی آئی ہے۔ دہلی میں پیٹرول 18 پیسے فی لیٹر اور ڈیزل 17 پیسے سستا ہوا ہے۔

گزشتہ کئی ماہ سے پیٹرول اور ڈیزل کی قیمتوں میں اضافہ در اضافہ ہی ہوتا جارہا تھا۔ یہاں تک کہ بھارت میں آئل کی قیمتیں اپنے ریکارڈ عروج پر پہنچ گئی تھیں۔ تاہم انٹرنیشنل مارکٹ میں خام تیل کی قیمتوں میں آئی کمی کے سبب آج گھریلو سطح پر تقریباً ڈیڑھ ماہ بعد پیٹرول اور ڈیزل کی قیمتوں میں کمی آئی ہے۔ آئل مارکیٹنگ کرنے والی کمپنی انڈین آئل کارپوریشن کے مطابق بدھ کے روز دہلی میں پیٹرول 90.99 روپے اور ڈیزل 81.30 روپے فی لیٹر پر آگیا۔

پٹرول اور ڈیزل بالترتیب 18 پیسے اور 17 پیسے فی لیٹر سستا

قبل ازیں کل 24 ویں دن تک ان میں کوئی تبدیلی نہیں ہوئی تھی۔ گزشتہ ماہ مسلسل 16 روز تک پیٹرول اور ڈیزل کی قیمتوں میں اضافہ ہی ہوتا رہا تھا جس سے تقریباً ہر شہر میں دونوں ایندھنوں کی قیمتیں ریکارڈ وقت کی سطح پر پہنچ گئی تھیں۔

بین الاقوامی مارکٹ میں 15 دنوں میں خام تیل کی قیمت میں تقریبًا 10 فیصد کمی واقع ہوچکی ہے۔ یورپ میں کورونا کی تیسری لہر کی وجہ سے وہاں ایندھن کے مطالبہ میں کمی کا خدشہ ظاہر کیا جارہا ہے۔ اس کی وجہ سے خام تیل کی قیمت 64 ڈالر فی بیرل پر آچکی ہے۔

عام طور پر جب کچھ ریاستوں میں اسمبلی انتخابات ہونے کی وجہ سے تیل کی قیمتوں میں کوئی تبدیلی نہیں کی جاتی تھی لیکن اس بار ایسا نہیں ہوا ہے۔ بہار اسمبلی انتخابات کے وقت تیل کی قیمتوں میں کوئی تبدیلی نہیں کی گئی تھی، لیکن ابھی مغربی بنگال، کیرالا، تمل ناڈو، آسام اور مرکز کے زیر انتظام علاقہ پڈوچیری میں ہونے والے اسمبلی انتخابات کے درمیان تیل کی قیمتوں میں کمی کی گئی ہے۔

ملک کے چار بڑے شہروں میں پیٹرول اور ڈیزل کی قیمتیں مندرجہ ذیل ہیں۔

سٹی ۔۔۔۔۔۔۔۔۔۔ پیٹرول فی لیٹر ۔۔۔۔۔۔۔۔۔۔ ڈیزل فی لیٹر

دہلی ۔۔۔۔۔۔۔۔۔۔۔۔۔ 90.99 ۔۔۔۔۔۔۔۔۔۔۔۔۔۔۔۔ 81.30

ممبئی ۔۔۔۔۔۔۔۔۔۔۔۔۔97.40 ۔۔۔۔۔۔۔۔۔۔۔۔۔۔۔۔ 88.42

چنئی ۔۔۔۔۔۔۔۔۔۔۔۔۔۔ 92.95 ۔۔۔۔۔۔۔۔۔۔۔۔۔۔۔۔۔۔86.29

کولکاتا ۔۔۔۔۔۔۔۔۔۔۔۔۔91.18 ۔۔۔۔۔۔۔۔۔۔۔۔۔۔۔۔84.18

یو این آئی