شملہ: ہماچل پردیش ہائی کورٹ کی قائم مقام چیف جسٹس جسٹس سبینہ اب ہائی کورٹ کی چیف جسٹس ہوں گی۔ یہ تقرری کالجیم کی سفارش پر ہوگی۔ سپریم کورٹ نے بدھ کو یہ سفارش مرکزی حکومت کو بھیجی تھی۔ جسٹس سبینہ اس سے قبل ہماچل ہائی کورٹ کی قائم مقام چیف جسٹس بھی رہ چکی ہیں۔ وہ ہائی کورٹ کی سینئر ترین جج ہیں۔ ہائی کورٹ کے چیف جسٹس جسٹس امجد احتشام سعید کی ریٹائرمنٹ کے بعد یہاں نئی تقرری ہونی تھی۔ جسٹس سعید 21 جنوری کو ریٹائر ہوئے۔
جسٹس سبینہ نے قانون کی تعلیم مکمل کرنے کے بعد پنجاب اور ہریانہ ہائی کورٹ میں وکالت شروع کی۔ وہ 20 اپریل 1961 کو پیدا ہوئیں۔ جسٹس سبینہ قانون کی تعلیم کے بعد قانون کی پریکٹس کرتے ہوئے پنجاب اور ہریانہ ہائی کورٹ بار ایسوسی ایشن کی جوائنٹ سیکرٹری منتخب ہوئیں۔ 1997 میں قانون کی پریکٹس کے بعد جسٹس سبینہ کو ایڈیشنل ڈسٹرکٹ جج کے طور پر تعینات کیا گیا۔ پھر بعد میں مارچ 2008 میں انہیں پنجاب اور ہریانہ ہائی کورٹ کا ایڈیشنل جج بنا دیا گیا۔
مزید پڑھیں:۔ Supreme Court Gets 5 New Judges سپریم کورٹ کے پانچ ججوں کی حلف برداری
جسٹس سبینہ کو فروری 2010 میں پنجاب اور ہریانہ ہائی کورٹ کا مستقل جج بنایا گیا تھا۔ سال 2016 میں ان کا تبادلہ راجستھان ہائی کورٹ میں کر دیا گیا تھا۔ جسٹس سبینہ نے دو سال قبل اکتوبر میں ہماچل ہائی کورٹ کی جج کے طور پر حلف لیا تھا۔ وہ دو مرتبہ ہماچل ہائی کورٹ کی قائم مقام چیف جسٹس رہی تھیں۔ اب وہ ہماچل ہائی کورٹ کی چیف جسٹس ہیں۔
