روپے پروجیکٹ کے دوسرے مرحلے کی شروعات کے بعد بھوٹان کے نیشنل بینک کی جانب سے جاری کیے گئے روپے کارڈ سے بھوٹان کے شہری بھارت میں کسی بھی طرح کی ادائیگی کر سکیں گے۔ پروجیکٹ کے پہلے مرحلے میں بھارتی بینکوں کی جانب سے جاری کیے گئے روپے کارڈ سے بھوٹان میں ادائیگی کی سہولت کا آغاز کیا گیا تھا۔ پہلے مرحلے کی شروعات مسٹر مودی کی گذشتہ برس اگست میں بھوٹان دورے کے دوران کی گئی تھی۔
مودی نے کہا کہ اب بھوٹان کے شہری اپنے ملک میں روپے کارڈ سے بھارت میں ایک لاکھ سے زائد اے ٹی ایم اور 20 لاکھ سے زائد پوائنٹ آف سیلس مشینوں پر ادائیگی کر سکیں گے۔ انہوں نے کہا کہ اس سے بھوٹان کے عوام کو تعلیم، صحت، تیرتھ یاترا اور سیاحت کے شعبے میں ادائیگی کرنے کی خاص سہولت ملے گی۔ انہوں نے کہا کہ ہندوستان روپے نیٹ ورک میں بھوٹان کی مکمل شراکت داری کے بطور خیرمقدم کرتا ہے۔
وزیر اعظم نے کہا کہ بھارت خلا کے شعبے میں بھوٹان کے ساتھ تعاون کو تیار ہے۔ ہندوستان کی خلائی تنظیم آئندہ برس بھوٹان کے ایک سیٹیلائٹ کا تجربہ بھی کرےگا جس کے لیے بھوٹان کے چار نوجوان سائنسداں دسمبر میں ہندوستان جا رہے ہیں۔
انہوں نے کہا کہ ہندوستان مشکل وقت میں بھوٹان کے ساتھ کھڑا رہا ہے اور اس کی ضروریات ہمیشہ بھارت کے لیے ترجیحی درجے میں رہیں گی۔ ہندوستان اور بھوٹان کے درمیان ایک خصوصی شراکت داری ہے جو آپسی افہام و احترام سے مشترکہ تہذیبی وراثت اور عوام سے عوام کے مابین مضبوط رشتے کو تقویت دے گی۔
