سعودی عرب کا ایران کو انتباہ

سعودی عرب نے ایران سے جہاز رانی میں رکاوٹ پیدا نہ کرنے کا مطالبہ کیا ہے۔

سعودی عرب نے ایران کو خبردار کیا کہ وہ جہاز رانی کی آزادی میں کسی بھی طرح کی رکاوٹ پیدا نہ کرے۔

سعودی عرب کے وزیرخارجہ عادل الجبیر نے سماجی سائٹ ٹوئٹر پر لکھا کہ 'جہاز رانی کی آزادی میں رکاوٹ پیدا کرنے کی کوئی بھی کوشش بین الاقوامی قانون کی خلاف ورزی ہے، ایران کو یہ بات ضرور سمجھنی چاہیے کہ حال ہی میں برطانوی جہاز سمیت دیگر بحری جہاز روکنے کی اس کی حرکتیں مکمل طور پر ناقابل قبول ہیں'۔

انہوں نے عالمی برادری سے اس طرح کی حرکت کو روکنے کے لیے کارروائی کرنے کی درخواست کی ہے۔