سماج وادی پارٹی یوجن سبھا کے ضلع صدر افصال سانو نے بہرائچ میں واقع حضرت سید سالار مسعود غازی رحمۃاللہ کی درگاہ پر حاضری دی۔
واضح رہے کہ افصال سانو اس سے قبل بھی صدر عہدے پر فائز رہ چکے ہیں۔ پارٹی کے اعلیٰ عہدیدار نے ان کو اچھے کارکردگی کے سبب دوسری بار صدر عہدے پر فائز کیا ہے، جس کی خوشی میں آج افصال سانو اپنی پوری ٹیم کے ساتھ درگاہ حضرت سید سالار مسعود غازی رحمۃاللہ حاضری دی۔
انھوں نے یہاں حاضری کے موقع پر ملک کی ترقی و خوشحالی کے لیے دعا کی۔
افصال سانو نے پارٹی کے قومی صدر اکھلیش یادو کا شکریہ ادا کیا اور ان کو ایک بار پھر وزیراعلی بننے کی اور کورونا وبا سے چھٹکارا حاصل کرنے کی دعا دی۔
- مزید پڑھیں: عمرقید کی سزا کاٹ رہے قیدی نے جیل میں کی خودکشی
اس موقع پر دھننجئے سنگھ، محمد علی، راہل گوتم، شیخ جاوید، سدھاکر سنگھ، عیاض شاہ، وصال شرما، پرانجل مشرا، رتنیش مشرا پامو، سندیپ سنگھ، عمیشور سنگھ، شعیب انصاری، آصف الویرا، اکھلیش یادو، شاد خان، وسیم خان اور دانش خان کے علاوہ دیگر پارٹی کارکن موجود تھے۔
