برطانیہ میں بی جے پی اور کانگریس کی ریلیاں نکالے جانے کی خبریں موصول ہورہی ہیں دونوں پارٹیوں کے حامی ملک بھر کے کئی شہروں میں بائک، کار ریلیز کا اہتمام کرنے کی تیاری میں لگے ہوئے ہیں۔
بی جے پی کی کار ریلی میں یورپی ریسنگ چمپئین ادوئیت دیوادھر کے بھی شرکت کرنے کی خبر آرہی ہے۔
بی جے پی کی جانب سے جاری کردہ شیڈول کے مطابق آج دوپہر 12 بجے برطانیہ کے کئی شہروں جیسے وسطی لندن، برمنگہام اور گلاسگو میں کار ریلیوں کا اہتمام کیا جائے گا، جبکہ وسطی لندن میں اپریل کے پہلے ہفتے میں'فلیش موب' پروگرام کا بھی انعقاد کیا جائے گا۔
کانگریس کی ریلی رات 9 بجے پارلیمنٹ اسکوائر میں واقع گاندھی سٹیچو سے شروع ہوکر سوتہال، برمنگہام تک جائے گی۔
واضح رہے کہ بی جے پی اور کانگریس بیرون ممالک میں بسے این آر آئیز میں اپنی انتخابی تشہیر کرنے میں کوئی کسر نہیں چھوڑ رہے ہیں۔
اس سے قبل بھی لندن میں ریلیز اور پروگراموں کا اہتمام کیا گیا۔
