آل انڈیا کانگریس کمیٹی کے انچارج سکریٹری دنیش گنڈو راؤ نے کہا کہ ٹیکس اور انفورسمنٹ ایجنسیز جیسے انکم ٹیکس ڈپارٹمنٹ اور انفورسمنٹ ڈائریکٹوریٹ نے شاید ہی گذشتہ چھ برسوں میں بی جے پی کے ٹھکانوں پر چھاپے مارے ہوں گے۔
انہوں نے کہا کہ یہ جمہوریت نہیں ہے، بلکہ اس ملک کو وزیر اعظم نریندر مودی کی ملی بھگت سے بڑے سرمایہ دار چلا رہے ہیں۔
یہاں پریس کانفرنس سے خطاب کرتے ہوئے راؤ نے کہا 'بی جے پی کے جذبات مجروح ہورہے ہیں، معیشت گر گئی ہے، ہماری سرحدیں خطرے میں ہیں، ہماری خارجہ پالیسی تباہ ہو گئی ہے اور ہم اپنے پڑوس میں دوست نہیں ہیں۔ خواتین اور دلت محفوظ نہیں ہیں۔'
یہ بھی پڑھیں: وہ شہر جہاں راون کی پوجا ہوتی ہے
ہر روز ہم دیکھتے ہیں کہ ای ڈی، انکم ٹیکس ایجنسیز حزب اختلاف کی جماعتوں کے خلاف کارروائی کرتی رہتی ہیں اور ان پر چھاپے مار رہی ہیں۔ مجھے گزشتہ چھ برسوں میں بی جے پی کا ایک رہنما ایسا نہیں ملا جسے کسی بھی ایجنسی نے نوٹس دیا ہو، راؤ نے کہا کہ اس ملک میں سرمایہ داری نظام چل رہا ہے اور وزیر اعظم نریندر مودی کی ملی بھگت سے سرمایہ دار چلا رہے ہیں۔
انہوں نے کہا کہ یہ جمہوریت نہیں ہے، اس ملک کو وزیر اعظم نریندر مودی کی ملی بھگت سے بڑے سرمایہ دار چلا رہے ہیں۔ وہ منافع کمانے کے لیے اس ملک کے انسانی اقدار اور قدرتی وسائل کا استعمال کررہے ہیں، یہ ایک تباہ کن صورتحال ہے۔
