اقوامِ متحدہ کی جانب سے اس سال 'یوگا صحت کے لیے' اور 'یوگا کنبے کے ساتھ' یومِ یوگا کا تھیم قرار دیا گیا تھا۔
اس موقع پر ڈاکٹر عقیل نے یوگا کی اہمیت پر زور دیتے ہوئے کہا کہ ہمیں یوگا کو اپنی زندگی کی معمولات کا حصہ بناناچاہئے کیونکہ یوگا بہترین ورزش ہے، جو نہ صرف ہمارے نظامِ صحت کو درست رکھتی ہے بلکہ بہت سی بیماریوں سے لڑنے کے لئے ہماری قوتِ مدافعت کو بھی مضبوط کرتی ہے۔
یوگا کا عالمی دن پر پورے ملک کے عوام کے تئیں اپنی نیک خواہشات کا اظہار کرتے ہوئے انھوں نے کہا کہ یوگ ہمارے جسم، ہماری سوچ اور ہماری روح کو پر سکون رکھنے کا اہم ذریعہ ہے۔
یہ جسم اور دماغ کو ایک اصول میں پیوست کر کے زندگی کو سکون اور توازن سے ہمکنار کرتا ہے۔ زندگی کی الجھنوں گھٹن پریشانیوں اور بےچینیوں کے درمیان آپ کو اطمینان اور سکون کے احساس سے جوڑنے میں یوگ مددگار ہوتا ہے۔
انہوں نے کہا کہ یوگا ہماری قدیم بھارتی روایات کا ایک انمول تحفہ ہے۔ یوگا ذہن و جسم ، فکر و عمل میں وحدت پیدا کرتا ہے جو ہماری صحت وسلامتی کے لیے بہت قیمتی ہے۔
یوگا صرف ورزش نہیں ہے، یہ اپنے آپ اور دنیا و فطرت کے ساتھ ہم آہنگ ہونے کے احساس کودریافت کرنے کاایک طریقہ ہے۔
این سی پی یو ایل کے ڈائریکٹر شیخ عقیل احمد نے کہا کہ آج کے مشکل دور میں گھر پر رہتے ہوئے آپ یوگ کر کے ذہنی و نفسیاتی گھبراہٹ کو دور بھگا سکتے ہیں اور اپنے جسم میں لچک کے ساتھ طاقت اور دماغ میں خود اعتمادی بھر سکتے ہیں۔
انھوں نے کہا یوگ اپنی معنویت و افادیت کے اعتبار سے ساری دنیا کو متحد کرتا ہے اور خصوصاً خوفناک وبا کے موجودہ دور میں ہمارے اندر اس سے لڑنے اور اپنے آپ کو محفوظ رکھنے کی قوت و حوصلہ عطا کرتا ہے۔
