فی الحال پولیس نے لاشوں کو پوسٹ مارٹم کے لیے بھیج دیا ہے۔ وہیں لاش ملنے کے بعد ضلع کے لوگوں میں زبردست غم وغصہ ہے۔
مشتعل لوگوں نے پولیس انتظامیہ کے خلاف جم کر نعرے بازی کرتے ہوئے پولیس سے ہاتھاپائی کی۔
مشتعل لوگوں نے پولیس پر پتھراؤ بھی کیا ۔ زبرست کشیدگی کو دیکھتے ہوئے انتظامیہ نے حالات پر قابو پانے کے لیے کثیر پولیس ٹیم کو تعینات کیا ہے۔
واضح رہے کہ 12 فروری کو ملزمین نے اسکول بس سے دو جڑواں ھائیوں کا اغوا کرلیا تھا جس میں 25 لاکھ کا تعاون لینے کے بعد بھی بچوں کا قتل کردیا گیا۔ دونوں کی لاش آج یوپی کے باندہ ضلع کے یمنا ندی میں ملی ہے۔ تب سے شہر میں زبردست کشیدگی کی حالت ہے۔
ستنا ایس پی سے ملی جانکاری کے مطابق چترکوٹ نیا گاؤں تھانہ علاقہ سدرو سیوا ٹرسٹ ایس پی ایس اسکول سے پستول کی نوک پر تیل کاروباری برجیش راوت کے دونوں جڑواں بچوں کا گذشتہ 12 فروری کو اغوا کرلیا گیا تھا۔ پولیس مسلسل جانچ میں مصروف تھی آج دونوں معصوم کی لاشیں اترپردیش کے ضلع باندے کی ایک ندی سے برآمد ہوئی ہے۔
اطلاع کے مطاقب پولیس نے کچھ ملزمین کو بھی حراست میں لیاہے ۔ بچوں کے والد ستنا ضلع سے متصل چترکوٹ ضلع کے قریبی علاقے میں سیتا پو ر کے باشندے ہیں اور ملزموں نے ان کے جڑواں بچوں کو اغوا کیا تھا ۔
