حج کمیٹی آف انڈیا کی جانب سے جاری کردہ ایک سرکولر میں کہا گیا ہے کہ موجودہ حالات کے پیش نظر حج پر جانے کا معاملہ پش و پیش کا شکار ہے۔
ایسے میں حج مصارف کی دوسری قسط ادا کرنے میں رخصت دی گئی ہے، مگر ساتھ ہی حج کمیٹی آف انڈیا نے کسی بھی یقینی صورتحال سے انکار کیا ہے۔
سرکولر میں مزید کہا گیا ہے کہ حج منسوخ ہونے کی صورت میں عازمین کے پیسے واپس کردیے جائیں گے۔
واضح رہے کہ حج مصارف تین قسطوں میں ادا گیا جاتا ہے۔ اور دوسری قسط کی ادائیگی میں رخصت کو دیکھتے ہوئے یہ اندازہ لگایا جا رہا ہے کہ کورونا وائرس کے سبب رواں برس حج کی ادائیگی انتہائی مخمصے میں ہے۔
