سری نگر سینٹرل جیل میں جھڑپیں اور آگ زنی

جموں کشمیر کے دارالحکومت سری نگر میں واقع سینٹرل جیل میں قیدیوں اور سیکورٹی اہلکاروں کے بیچ ہاتھا پائی ہوئی ہے۔

اس واقعے کے بعد سینٹرل جیل کے قیدیوں نے احتجاج کیا۔

اطلاعات کے مطابق رعناواری علاقے میں واقع جیل انتظامیہ کچھ قیدیوں کو دوسرے بیرکوں میں منتقل کر رہا تھا جس پر قیدیوں نے اعتراض کیا اور ہنگامہ برپا ہوگیا۔

تاہم جموں وکشمیر پولیس کے سربراہ دلباغ سنگھ، جو پرزنز ڈیپارٹمنٹ کے سربراہ بھی ہے، نے بتایا کہ سنٹرل جیل میں انتظامیہ ایک بیرک کی مرمت کررہی تھی جس پر چند قیدیوں نے اعتراض کیا۔

انہوں نے کہا کہ چند قیدیوں نے دیگر قیدیوں کو بھڑکایا اور سیکورٹی اہلکاروں پر حملہ کیا اور ایک جگہ پر آگ بھی لگادی جس کو فائر سروس کی نفری نے بجھادی ہے۔

تاہم انہوں نے کہا کہ پولیس اور سیول انتظامیہ کے اعلى افسران جائے واقعے پر پہنچ کر حالات کا جائزہ لیا۔

مزید تفصیلات کا انتظار ہے۔