چینئی سپر کنگز کا مقصد میچ جیت کر پلے آف میں جگہ بنانا ہوگا جبکہ حیدرآباد جیت کی پٹری پر لوٹنا چاہے گی۔
مہیندر سنگھ دھونی کی قیادت والی چینئی سپر کنگز نے اب تک 8 میں سے 7 میچ میں جیت حاصل کی ہے اور پوائنٹس ٹیبل میں سرفہرست مقام پر ہے اور آج کا میچ جیت کر پلے آف میں مقام یقینی کرنا چاہے گی۔سنرائیزرس حیدرآباد نے 7 میچوں میں سے اب تک 3 میں ہی کامیابی حاصل کی ہے اور چھٹے مقام پر ہے اور آج کا میچ جیتنا اس کے لیے پلے آف میں پہنچنے کی امیدوں کو زندہ رکھے گا۔
آئی پی ایل کا تقریباً نصف ایڈیشن مکمل ہو چکا ہے اور کافی دلچسپ موڑ پر پہنچ گیا ہے ایسے میں کین ولیمسن کی کپتانی والی حیدرآباد کو فتح کے لیے ہر حال میں پورا زور لگانا ہوگا جسے گزشتہ میچ میں اپنے گھریلو میدان پر دہلی کیپیٹلز کے ہاتھوں شکست سے دوچار ہونا پڑا تھا۔
بلے بازی میں ڈیوڈ وارنر اور جانی بیریسٹو کے علاوہ کوئی بھی بلے باز کریز پر نہیں ٹک رہا ہے جبکہ گیندبازی کا شعبہ مضبوط ہونے کے باوجود بھی ٹیم جیت حاصل کرنے کے لیے تگ و دو کررہی ہے۔
دوسری جانب چینئی سپر کنگز کھیل کے ہر شعبے میں دوسری تمام ٹیموں سے کہیں زیادہ بہتر ہے ایسے میں چینئی کے لیے پریشانی کی کوئی بات ہے۔
