آندھرا پردیش کے چناملکاپور گاوں کی رہنے والی 26سالہ ناگاجیوتی کی شادی 2012میں سوماشیکھرسے ہوئی تھی، شیکھر، اولاد نہ ہونے پر اکثر مایوس رہا کرتا تھا اور اپنی بیوی کو ہراساں کیاکرتاتھا۔
جیوتی گزشتہ تین سال سے اپنے مائیکے میں ہی رہ رہی تھی، ایک ماہ قبل وہ اپنے شوہر کے مکان واپس ہوئی کیونکہ پنچایت کے بزرگوں نے اس مسئلہ پر مداخلت کی تھی، جب جیوتی سورہی تھی تو شیکھر نے گلاگھونٹ کر اس کا قتل کردیا اور اس کو خودکشی کی شکل دینے کی کوشش کی۔
شبہ ہونے پر اہل خانہ نے پولیس کو اطلاع دی، جس کے بعد پولیس نے شیکھر کو حراست میں لے لیا، پوچھ گچھ پر شیکھر نے اپنے جرم کا اعتراف کیاجس کی بنیاد پر پولیس نے ایک معاملہ درج کرکے لاش کو پوسٹ مارٹم کے لئے بھیج دیا۔
