امت شاہ نے آسام کے گورنر اور وزیراعلی سے ملاقات کی

مرکزی وزیر داخلہ امت شاہ نے پیر کو آسام کے گورنر جگدیش مکھی اور ریاست کے وزیراعلی سرب آنند سونووال سے ملاقات کی۔

مسٹر شاہ دودن کے دورے پر اتوار کو آسام پہنچے تھے اور انہوں نے نارتھ ایسٹرن کونسل کے 68ویں مکمل اجلاس سے خطاب کیا تھا۔وہ پیر کو نارتھ ایسٹ ڈیموکریٹک الائنز(این ای ڈی اے)کی میٹنگ میں شرکت کریں گے۔

مرکزی وزیر داخلہ نے راج بھون میں مسٹر مکھی اور مسٹر سونووال سے بھینٹ کی۔اس موقع پر ریاست کے وزیر ہمنتا بسوا شرما بھی موجود تھے۔

بعد میں مسٹر شاہ نے کامکھیا مندر کے درشن کئے۔کاماکھیا مندر کے درشن کے دوران مسٹر سونووال اور مسٹر شرما بھی مسٹر شاہ کے ساتھ تھے۔