قومی دارالحکومت میں دین دیال اپادھیہ مارگ پر فیول کی بڑھتی قیمتوں کے خلاف بدھ کے روز عام آدمی پارٹی نے احتجاج کیا۔ پارٹی کی تمام فرنٹ آرگنائزیشن کے کارکن سڑکوں پر نکل آئے اور بی جے پی ہیڈ کوارٹر کی طرف مارچ کیا۔
احتجاج کے دوران معاشرتی دوری کو بھی نظرانداز کیا گیا۔ تاہم بعد ازاں مظاہرین کو پولیس نے حراست میں لے لیا۔ یہ مظاہرہ پارٹی کے سینئر رہنما راجندر پال گوتم کی سربراہی میں ہوا۔
راجندر پال گوتم نے ای ٹی وی بھارت کو بتایا کہ مرکز نے تیل کی قیمتوں کے بارے میں آمرانہ رویہ اپنایا ہے۔ راجندر نے مزید کہا کہ پٹرول کی قیمتوں میں اضافے کی وجہ سے محصول میں اضافہ ہوا ہے۔ اس کا براہ راست اثر عام آدمی کی آمدنی پر پڑتا ہے۔
پیر کے روز پیٹرول اور ڈیزل کی قیمتوں میں بالترتیب 0.05 اور 0.13 روپے کا اضافہ کیا گیا۔ دہلی میں فی لیٹر پٹرول کی قیمت 80.43 روپے اور ڈیزل کی قیمت 80.53 روپے ہے۔
ملک بھر میں لاک ڈاؤن شروع ہونے سے قبل دہلی میں پٹرول اور ڈیزل کی اوسط قیمت بالترتیب 69.60 روپے اور 62.30 روپے فی لیٹر تھی۔
