جموں و کشمیر اسمبلی انتخابات میں تاخیر، گونج پارلیمنٹ تک پہنچی

پارلیمنٹ کا سرمائی آجلاس آج دوسرے روز بھی جاری ہے ۔ممبر پارلیمنٹ نیشنل کانفرنس ڈاکٹر فاروق عبداللہ سمیت حزب اختلاف کے رہنما ادھیر رجن چودھری نے جموں وکشمیر میں اسمبلی انتخابات میں تاخیر کے حوالے سے پرسر اقتدار بی جے پی سرکار کو آڑے ہاتھوں لیا۔

واضح رہے کہ جموں و کشمیر میں سنہ 2014 میں اسمبلی انتخابات منعقد کئے گئے تھے جس کے بعد پی ڈی پی اور بی جے پی نے مخلوط حکومت بنائی تھی لیکن 19 جون سنہ 2018 میں بی جے پی نے پی ڈی پی سے حمایت واپس لے لی تھی، اس وقت پی ڈی پی صدر محبوبہ مفتی ریاست کی وزیراعلیٰ تھیں۔ تب سے آج تک جموں و کشمیر میں صدر راج نافذ ہے اور یہاں ایل جی انتظامیہ کام کر رہا ہے۔