جموں وکشمیر انتظامیہ کو گرام پنچایتوں کی سماجی و معاشی ترقی میں نمایاں کارکرگی کے لئے ’دین دیال اپادھیاے سشکتی کرن پرسکار‘ (ڈی ڈی یو پی ایس پی) سے نوازا گیاہے۔
پنچایتی راج کی وزارت کی جانب سے راجوری اور پلوامہ اضلاع کی مختلف پنچایتوں کو دیئے گئے ہیں۔ راجوری کے رتھل ( Rathal ) اور بڈاکانہ ( Badakan) جبکہ ضلع پلوامہ کے میج (meej) پنچایت حلقے کو اس ایوارڈ سے نوازا گیا۔
جموں و کشمیر انتظامیہ کو یہ اعزاز عوام کو بہتر خدمات فراہم کرنے کے لیا دیا گیا ہے۔ پنچایتوں میں بہترین کارکردگی کا مظاہرہ کرنے والی پنچایت حلقے کا انتخاب کیا گیا۔ ان کاموں میں صفائی ستھرائی، قدرتی وسائل کے انتظام، ریکارڈ کو برقرار رکھنے کے علاوہ سڑکیں بنانا، باندھ کی تعمیر وغیرہ قابل ذکر ہے۔
ضلع پلوامہ میں بلاک پانپور کے پنچایت حلقہ میج کے سرپنچ نصیر احمد کو ان کے حلقے میں بہترین کارکردگی کا مظاہرہ کرنے پر دیا گیا۔
نصیر احمد کھانڈے نے یہ ایوارڑ ملنے پر مرکزی و ریاستی سرکار کا شکریہ کرتے ہوئے کہا کہ وہ آگے بھی تعمیر و ترقی کے حوالے سے اپنے علاقے میں بہتر کارکردگی کو جاری رکھیں گے۔
