بٹوت کشتواڑ شاہراہ کی مسافت کم کرنے اور زمین کھسکنے اور اکثر سڑک حادثات پیش آنے کے بعد حکومت کی جانب سے خطۂ چناب کے ضلع ڈوڈہ اور کشتواڑ سڑک کے متبادل کے طور سُدمہا دیو کھلینی ٹنل کو منظوری دی گئی تھی۔ اسی پروجیکٹ پر جمعرات کے روز ٹنل کی تعمیر کا کام کھلینی پنچنی نالہ میں پہلے افتتاحی دھماکے کے ساتھ شروع ہو گیا۔
سرنگ کے افتتاحی دھماکے کے موقع پر ضلع انتظامیہ کے سینئر افسران بشمول ڈسٹرکٹ ڈویلپمنٹ کمشنر ڈوڈہ وکاس شرما و تعمیراتی ایجنسی (اپکو) کے افسران بھی موجود تھے۔
کھلینی ٹنل، بٹوت سنتھن - کشمیر شاہراہ کے اپ گریڈیشن کا حصہ ہے۔ ایک اعشاریہ پانچ کلو میٹر لمبائی والے اس ٹنل کو 431 کروڑ روپے کی لاگت سے تعمیر کیا جائے گا۔
یہ سرنگ دو سال میں تعمیر ہو کر مکمل ہو جائے گی۔ یہ ٹنل کھلینی نالہ سے شروع ہو کر پنچنی نالہ پر ختم ہو گا۔ اس ٹنل کی تعمیر سے موجودہ بٹوت کشتواڑ سڑک کی مسافت کم ہو جائے گی ساتھ ہی کھلینی کے حساس علاقے زمین کھسکنے سے بچ جائیں گے۔
یہ بھی پڑھیں: ڈوڈہ میں کورونا مثبت معاملات میں اضافہ
