جموں وکشمیر کے پہاڑی ضلع رامبن میں مقامی لوگوں نے چندرکوٹ کے مقام پر نیشنل ہوئے اتھارٹی آف انڈیا اور تعمیراتی کمپنی گمین انڈیا کے خلاف احتجاج کیا ہے ۔
رامبن :مقامی لوگوں نے این ایچ اے آئی اور گیمون انڈیا کے خلاف احتجاج کیا احتجاج کر رہے لوگوں کا کہنا ہے کہ پنچایت کنفر چندرکورٹ میں شاہراہ کو فور لائن میں تبدیل کرنے کا کام زور و شور سے چل رہا ہے لیکن افسوس کی بات ہے کہ جو ہائی وے سے قریبی علاقوں کے لوگوں کے چلنے کے لیے راستے بننے تھے وہ سب نیشنل ہائی وے کی کٹائی کی وجہ سے ختم ہو گئے ہیں ۔
مقامی لوگوں کے مطابق دوران حصول ارضی کامن مینمم پروگرام میں تعمیراتی کمپنی کو راستے از سر نو بنا کے دینے تھے لیکن تعمیراتی کمپنی جائز مطالبات حل کرنے کے بجائے پولیس کا سہارا لے کر مقامی لوگوں کو ڈرا اور دھمکا رہی ہے۔
ضلع ترقیاتی کمشنر رامبن مسرت الاسلام نے لوگوں کے جائز مطالبات حل کرنے کی یقین دہانی کی جس کے بعد لوگوں نے ہائی وے پر احتجاج کو ختم کر دیا۔
مقامی لوگوں نے پُر زور الفاظ میں کہا ہے اگر ضلع انتظامیہ لوگوں کے جائز مطالبات حل کرنے میں ناکام ہوئی تو وہ شاہراہ ہر دھرنے دینے کے لیے مجبور ہونگے جس کی ذمہدار انتظامیہ کی ہوگی۔
مزید پڑھیں:
مقامی لوگوں نے ضلع انتظامیہ سمیت متعلقہ کمپنی سے اپیل کی ہے کہ جو بھی راستہ نیشنل ہائی وے کی وجہ سے کٹ گئے ہیں ان کو فوری طور پر بنایا جائیں تاکہ لوگوں کو مشکلات سے دوچار نہیں ہونا پڑتا ۔
