گُملا جھارکھنڈ میں درگا پوجا کے چندہ پر چاقو سے حملہ، ایک شخص شدید زخمی

گُملا،جھارکھنڈ: ضلع کے گھگھرا بلاک ہیڈکوارٹر میں درگا پوجا کے لیے چندہ کے تنازعہ پر چاقو سے حملہ کا واقعہ پیش آیا۔ جس میں ایک شخص شدید زخمی ہوا ہے۔ زخمی شخص اکھلیشور ساہو، تھانہ چوک درگا پوجا کمیٹی کا خزانچی ہے۔ الزام ہے کہ اسپتال روڈ پر واقع بندھن الیکٹرانکس کے آپریٹر نے اس پر چاقو سے حملہ کیا جب اس نے درگا پوجا کے لیے چندہ مانگا۔ یہاں، مشتعل گاؤں والوں نے حملہ آور دکاندار کی پٹائی کی اور دکان کو آگ لگا دی۔ اطلاع ملنے پر پولیس نے موقع پر پہنچ کر معاملے کی تحقیقات شروع کردی۔