برقعہ پہن کر دھوکہ، چھ ماہ کی بچی کا اغوا

باغپت: ضلع کے کوتوالی بداوت علاقے کے باؤلی گاؤں میں برقعہ پوش خاتون نے بہن کی گود سے 6 ماہ کی بچی چھین لی اور بھاگ گئی۔ اغوا کی یہ پوری واردات سی سی ٹی وی میں قید ہوگئی۔ اس واقعہ سے محکمۂ پولیس میں ہلچل مچ گئی ہے۔ ایک معصوم بچی اپنی نومولود بہن کے ساتھ سڑک پر چل رہی تھی۔ تب ایک برقعہ پوش خاتون نومولود کو گود سے اٹھا کر بھاگ گئی۔ اہل خانہ کے مطابق ان کی کسی سے کوئی دشمنی نہیں ہے۔ فی الحال اہل خانہ لڑکی کی بازیابی کا مطالبہ کر رہے ہیں۔