ڈکسم اننت ناگ سیاحتی مقام برفباری میں اور بھی حسین

جنوبی کشمیر کے ضلع اننت ناگ کے کئی علاقہ قدرتی حسن سے مالا مال ہے، مگر ابھی تک ان علاقہ میں سیاحوں کی سہولیات کے لیے حکومت کی طرف سے خاطر خواں انتظامات نہیں کیے گئے, جس سے ان علاقوں میں سیاحوں کا رش کم ہی رہتا ہے اور یہ مقام سیاحوں کی نظروں سے اوجھل رہتے ہیں۔ڈکسم، سنتھن ٹاپ، مرگن ٹاپ، کوکرناگ علاقہ وہ سیاحتی مقامات ہیں جو خوبصورتی میں اپنی مثال آپ ہیں۔ ڈکسم ضلع اننت ناگ سے محض 50 کلومیٹر کی دوری پر واقع ایک خوبصورت مقام ہے اور حالیہ برفباری نے اس مقام میں چار چاند لگا دئے۔سیاحوں کے مطابق یہ مقام واقعی جنت سے کم نہیں ہے۔