حیدرآباد: ویمنز ایشیا کپ 2024 کی میزبانی سری لنکا کر رہا ہے اور بھارت اپنے پہلے میچ میں پاکستان کو شکست دے کر ٹورنامنٹ میں شاندار آغاز کیا ہے لیکن اس نے ایک میچ جیتانے والی کھلاڑی کو کھو بھی دیا ہے۔ دراصل
آف اسپنر شریانکا پاٹل چوٹ کی وجہ سے ٹورنامنٹ سے باہر ہوگئی ہیں اور ان کی جگہ تنوجا کنور کو ٹیم میں شامل کیا گیا ہے، جنہیں ایشیا کپ 2024 کے بقیہ میچوں میں ٹیم انڈیا کے لیے کھیلتے ہوئے دیکھا جا سکتا ہے۔
اس ٹورنامنٹ کے پہلے میچ میں بھارت نے پاکستان کو 7 وکٹوں سے شکست دی تھی۔ اس میچ میں آف اسپن شریانکا پاٹل نے 3.2 اوورز میں 4.20 کی اکانومی کے ساتھ 14 رنز دے کر 2 اہم وکٹیں حاصل کی تھی۔ ان کی شاندار باؤلنگ کی وجہ سے بھارت نے پاکستان جیسی مضبوط ٹیم کو 108 رنز تک محدود کر دیا تھا۔
اس میچ کے دوران دمبولا کرکٹ اسٹیڈیم میں فیلڈنگ کرتے ہوئے شریانکا کو بائیں ہاتھ کی چوتھی انگلی پر چوٹ لگ گئی اور وہ فریکچر ہوگئی۔ جس کی وجہ سے انھیں ویمنز ایشیا کپ 2024 سے ہی باہر ہونا پڑا۔
اب ایشین کرکٹ کونسل (اے سی سی) کی منظوری کے بعد تنوجا کنور کو شریانکا کی جگہ ٹیم میں شامل کیا گیا ہے۔ آج بھارت نے ٹورنمنٹ کے اپنے دوسرے میچ میں یو اے ای کو 78 رنز سے شکست دے ہی۔ پہلے بلے بازی کرتے ہوئے بھارت نے 201 رنز بنائے تھے جس کے جواب میں یو اے ای صرف 123 رنز ہی بنا سکی۔
